Tuob ba ang hinungdan?

Posted by on 06/29/20 11:37 AM

Tag List: ,

Last modified on: 06/29/20 12:07 PM
Total Post Views:

CEBU CITY (SUGBO NEWS) — Sugbo News posted on their Facebook page about tu-ob which circulated in the internet and other popular social media sites.

Nanggawas karon ang mga kataw-anan nga pasangil batok sa gobernador sa Cebu tungod sa iyang pagpromote sa Tu-ob isip usa sa paagi pagpalig-on sa lawas batok mga sakit. Ang pinaka kataw-anan, ang argumento nga ang Tu-ob maoy hinungdan sa pagsaka sa kaso sa Covid-19, ug sa kamatayon sa uban.

Yuna pa. Ato ning tagsa-tagsaon.

Ngano si Gov. Gwen Garcia man intawn ang pasanginlan sa mga nakalas? Ang mga namasangil, kasagaran mga taga Cebu City nga mga higala sa mga nipanaw nga taga Cebu City pod. Wa kunoy ebidensya nga makaayo ang Tu-ob so nganong gi-promote. Aw, concrete proof man kaha, mangayo sad mi. Tu-ob ba ang nakabutang nga cause of death sa ilang death certificates?

Mao kunung nangamatay ang atong mga kaigsuonan, kay nag Tu-ob pa sa wala pa niadto sa doctor, ug nalangay kuno imbis maatiman unta dayon sa ospital. Pero di ba ni anunsyo naman ang mga ospital sa Cebu City nga di na sila modawat ug walk-in sa emergency rooms, ug puno na ang mga kwarto nga gigahin para sa Covid patients. Pila kaha kabuok ang nakabsan intawn sa kinabuhi didto sa ospital samtang nag ventilator? Kung mag pinareha ta sa kataw-anan nila nga pagrason, aw, makamatay ba pod nang venitilator?

Nganong si Gwen ug Tu-ob ang pasanginlan sa kamatayon? Sa ato pa, ang dul-an 200,000 nga namatay sa US, Italy, ug Spain nag Tu-ob sad to sila?
Nasuko sila sa Tu-ob nga binisaya nga pamaagi, kay dapat tambal gyud nga supported by “science.” Unya, kay ang scientist nideklarar man nga wala pa silay tambal nakit-an.

Nidaghan kuno ang kaso sa Covid tungod sa Tu-ob, kay wala na niadto ug doctor, nagtu-ob nalang. Wala man lagi ni promote ug Tu-ob si Trump, pero daghan lagi namatay sa America. Naa man kunoy protocol, nganong mag Tu-ob man gyud. Naa bitaw protocol. Gipirmahan ni Gov sa iyang Executive Orders: drink 8 glasses of water daily, non-contact exercise, take Vitamin C, B Complex ug Zinc. Drink turmeric and kalamansi juice. Pagdisinfect, social distance, wearing of masks in public. Mag enumerate bitaw siya kada adlaw pila na ang ihap sa mga naay flu-like symptoms, pilay naa na sa district hospitals, pila ang naa sa quarantine facilities. Gi orderan niya ang district hospitals not to refer patients to Cebu City. Daghan siyag gibuhat nga protocol, inyo lang gyud gi-highlight ang Tu-ob.

Scientific proof ra bay gipangayo ninyo. Sa atoa pa, motan-aw tag statistics. Pila kabuok namatay sa balay while nagtu-ob? Nya pila kabuok namatay while nag ventilator? So kung ato sundon inyong di mao nga reasoning, makamatay ang ventilator?

Naay na bayolenteg sinultian nga taga Syudad sa Sugbo, suko kaayo sa gobernador. Pina ingon siya, “the fact that things have gotten worse after folk solutions were peddled…” Uy ngano? Ni worse man to ang America, Italy, Spain ug uban pang nasud, nagtu-ob sad sila?! Ni-worse man ang Manila before, nagtu-ob pud ang mga Tagalog? Ask your officials there nganong ni worsen ang cases diha, kay ang sa probinsya, nisaka ang cases pag-abli sa borders with Cebu City. Maong gisirad-an ug balik.

Tungod kuno sa Tu-ob ni Gwen, “Look what’s happening to us?!” Ambot lang kaha nimo ug asa ka. Kay kaming mga sakop ni Gwen nga 44 ka lungsod, pwera buyag kaluyo sa Ginoo, kumbati pa man mi ngaris probinsya. As of June 28, naay 783 ka active cases sa 44 towns and 6 cities sulod sa upat ka buwan. Kay wa niingon si Gov nga pagkiat mo kay naa bitaw Tu-ob. Ang mensahe sa gobernador namo, mangabli na ta alang sa ekonomiya, pero magmatngon, ug i-boost inyong immune system sama sa pagTu-ob. Unsay proof nga tinuod ni? Kay ni approve ang Inter-Agency Task Force nga GCQ na mi!

Sa katapusan, kung tarong mo nga pagka-higala, ayaw ninyo gamita ang kamatayon sa inyong amigo alang sa inyong krusada. Niingon ra ba ang science, mas vulnerable ang naay pre-existing conditions. Pero sa inyong pasangil, sama ra nga inyo silang gi-blame nga nagdanghag o nikumpyansa, sama ra nga inyong gibugal-bugalan ang ilang pagtuo, ug wala na ra ba sila nga maka depensa sa ilang kaugalingon. Kung makatingog pa ang nitaliwan na, nakauyon kaha to sila? Makunsensya sad intawn mo uy.

Article Reference(s)
Sugbo News Facebook Page