Ongoing construction of Old Banica Spillway

Posted by on 06/27/20 12:55 AM

Tag List:

Last modified on: 06/27/20 12:57 AM
Total Post Views:

DUMAGUETE CITY — This shows the ongoing construction of the Old Banica Spillway (aka BIR Bridge as locals known). Construction is set to finish by next year, around May 2021. Video taken on June 24, 2020.

Mga ekwipo gigamit para pagbakbak ug paghinlo sa karaan nga tamborong (Old Banica Spillway) nga gasilbing agianan sa mga salakyan ug tawo kaniadto para tukuran ug mas halapad ug konkretong taytayan.

Matud ni Mayor Ipe Remollo kung mahuman na ang bag-ong taytayan kini makahatag ug mas hasway ug luwas nga pagbiyahe sa mga motorista ilabi na kung daut ang tiempo. Tungod usab sa disenyo mas makontrol na ang pagbaha nga kasagaran molunop sa mga kabalayan daplin sa suba sa Banica.

Gisugdan ang trabaho niadtong Mayo karung tuiga ug basi sa kontrata humanon kini pagtukod sulod sa 345 ka adlaw o kaha sulod sa usa ka tuig.
Samtang gapadayun usab ang pagtukod sa usa ka lig-on ug konkretong taytayan dinha sa Colon likod sa Foundation University.

Dugang ni Mayor Remollo, kung mahuman na ang duha ka taytayan dinha sa Colon ug BIR kini dako ug tabang para momenos ang gibug-aton sa trapiko ug mas hapsay ug luwas na unya ang biyahe sa mga motorista bisan pa kung adunay baha o daot ang tiempo.

Mahinumduman nga kada baha molapaw sa mga tamborong ang tubig diin mamilegro ang kinabuhi sa mga motorista o kaha lunopon ang mga panimalay dinha dool sa suba sa Banica.

Article Reference(s)
Lupad Dumaguete Official Facebook Page